買樓供定一筆過好?

之前買樓我外父外母都係同我地講要一筆過買唔係就一路要比利息銀行好唔化算, 因為我地唔係買新樓, 只係買細價樓所以一百萬就可以一筆買唔供都得, 但我一路都係堅持供樓唔一筆過比, 最後多謝老婆支持供樓, 個人理解如下

一筆過比當然係可以唔洗比利息銀行啦, 但係因為我地唔係好多現金, 一次過比左之後就無現金係手架啦, 仲有喎, 我地都係供十三年, 每年租金都係收到六萬, 現金流要回復到七十萬真係要有12年時間先得, 咁我地點解唔問鋃行借錢供, 一路個袋內有七十萬係手, 幾時有樓睇中或者有事急用幾時都用得, 反正現在銀行咁低息, 租金都可以完全cover到供樓錢, 有乜唔好? 當然你話個七十萬現金放係銀行都係無乜息收但供樓又要比息, 但唔好忘記其實係租客幫你供緊樓同比緊利息.