今日去左蒙娜麗莎 " 等" 影婚紗

今朝起身都有少少頭暈暈 @_@", 呆下呆下咁洗白白, 唔係好清醒咁著衫走人..上左巴士食完個包食埋藥睡左一下, 話咁快到中環, 行行下先發現自己行錯路 /_\ , 去到碼頭接埋老婆大人一齊去珀麗灣..全架船得十一個人都真係好空下...去到全個區都真係好少人同車, 絶對係比退休人仕生活...
行左大約十分鐘到就到蒙娜麗莎 11:15am, 入去比左張單佢, 再比多二十個大洋保證金要左locker key, 可以入去休息室等啦..係真係呆等..老婆仔坐左十分鐘左右就去左化妝 set 頭我就再等左半個鐘就去左化妝, 五分鐘到化完妝又再等, 唔覺唔覺睇完左套 " 雀聖" 個休息室又無人自己換左套 " 老鼠愛上貓" 睇下睇下哇..我又睇完第一隻碟唔係呀...好我又再等...好啦完場前十分鐘見到老婆仔出場啦..又幾好喎..一化完妝靚女左好多呀 ^^, 之後又係等..13:50 我等唔到啦先去食個飯先算, 老婆仔因為唔方便所以我一個去, 一出去望方圓十里得一間印度餐廳...唔理得咁多食左先..都幾好食喎..雖然我要黑咖啡佢比左杯有"奶"我, 算啦時間緊迫唔換啦..一放入口電話响, 老婆仔話攝影師到左...>.<" , 可憐我只用左五分鐘食我個午餐..第一個造型拍左大約三十張左右, 之後要換第二個造型, 我又睇多左半套 "雀聖", 第二個造型大約都係三十張左右就完成, 望一望表, 乜 17:30啦..本來仲約左去試妝...我仲以為拍照由 11:00開始 2-3個鐘頭就完事點知要 6 個鐘先得 >.<"