2010年9月24日星期五

中秋難忘夜


時移世易, 中秋節慢慢失去左往日氣氛, 唔好話煲下蠟咁, 連點下蠟燭仔都話會比人拉, 咁叫人點過好, 今年我同老婆仔玩下新意思, 22號一放工就仆去沙田 "Home Square"排隊, 等佢 23號正午 12時個"Smart Buy Week", 其實都係打算去睇下就算, 點知無人排隊, 再睇下見張傳單到除左張OGAWA按摩梳化外, 仲有張 1折愛皇健床褥, 只得1張仲要係54" x 75" 咁正, 我地張海馬油壓床就係要呢個呎吋, 天呀你對我太好啦, 中秋節我愛你^^, 第1時間叫老婆仔上IKEA買張$150收藏箱等我地今晚有得坐, 可能今次 D 特價品唔係咁吸引, 除左我地兩個之外由19:00 到第 2 日6:00都係得 4 個人排隊 >.<", 因為我地兩個排頭位, 所以好自然買到心頭好..愛皇健雖然係大特價, 但都係全新同可以送貨,正呀!! 而張按摩梳化就係佢聲稱"開左兩日嘅全新display", 要自取>.<" 最後我地同意比 $700佢送貨, 但之後發現張梳化又有污穢又有 D 壞, 佢話會叫師傅整同叫我地返屋企自己清潔, 希望到時送貨唔好有事啦, 因為佢話係特價貨無得換無得保養架...走個時有個客話佢買左個幾星期就壞左, 如果玩一兩個星期就壞我就笑啦...我一定上討論區分享下